Malena takkar fyri seg á landsliðnum

Malena Josephsen hevur verið millum mest eyðsýndu spælararnar í føroysku fótbóltskappingini seinastu nógvu árini.

Í dag hevur hon valt at takka fyri seg á landsliðnum. Tað skrivar fsf.fo

Malena hevur spælt 41 A-landsdystir og skotið tíggju mál fyri Føroyar. 

Hon hevur eisini umboðað Føroyar á trimum oyggjaleikum. Har bleiv tað til tólv dystir, fjúrtan mál og trý gull.

- Hetta hava verið nøkur fantastisk ár á landsliðnum, og eg havi verið ótrúliga stolt av at umboða Føroyar.

- Men eg haldi, at nú eitt nýtt landslið skal byggjast upp, so er tíðin komin, at eg takki fyri meg, sjálvt um hugurin framvegis er tilstaðar, sigur Malena Josephsen við heimasíðuna hjá FSF. 

Í hesum døgum fyrireikar kvinnulandsliðið seg til Baltic Cup, sum verður í Riga í Lettlandi frá 31. juli til 8. august.

Endaliga hópurin verður úttikin seinni í vikuni. Men fyri fyrstu ferð í fimtan ár verður tað uttan Malenu Josephsen úr KÍ.