- Harmligt við uppskoti um uppboðsølu

Føroyingar fáa ikki at vita, hvør skipan skapar størst virðir fyri samfelagið, tá nevndin, sum skal nýskipa fiskivinnuna, bara kemur við uppskoti um uppboðsølu. Tað sigur Bárður á Steig, formaður í Sambandsflokkinum.

Formaðurin í nýskipanarnevndini, Johnny í Grótinum, gjørdi greitt á ráðstevnu hjá R7 hósdagin, at øll fiskirættindi skulu á uppboð eftir 2018. Fyrr hevur barað verið brúkt hugtakið marknaðargrundað skipan, men nú er greitt, at talan verður um uppboðssølu.