Loksins vórðu 5.000 tons av svartkjafti seld

Fimm skip keyptu tey 5000 tonsini fyri í miðal 12,5 oyru kilo. Tey vóru Christian í Grótinum, Fagraberg, Finnur Fríði, Næraberg og Tróndur í Gøtu.

Høgni Hoydal, landsstýrismaður í fiskivinnumálum, hevði ásett minstaprís at vera 12 oyru kilo - sostatt fóru tey 5000 tonsini í dag beint omanfyri minstaprís.

Tilsamans kostaðu tey 5000 tonsini 623.000 krónur.

Gingið strilti

Fyri viku síðan vildi einki skip bjóða. Tá var minstiprísur 30 oyru kilo, og heldur ikki týsdagin, tá minstiprísur varð lækkaður niður í 18 oyru kilo. 

Á afturlatnari uppboðssølu hósdagin vórðu 5000 tons seld fyri 10 oyru kilo, ið eisini var minstiprísur.

Hósdagin skulu 5000 tons aftur seljast á uppboðssølu, og óseldu tonsini frá seinastu viku verða seld í næstu viku.