Fyrrverandi nevndarlimur: Eg havi tagnarskyldu

- Sum nevndarlimur í Atlantic Airways havi eg tagnarskyldu, og hesa tagnarskyldu virði eg.

Tað sigur Søren Jespersen, fyrrverandi nevndarlimur í Atlantsflogi, eftir at Magni Arge, fyrrverandi stjóri í flogfelagnum, hevur sett spurnartekin við leiklutin hjá ávísum nevndarlimum, nú SAS fer at kappast við Atlantic Airways á Keypmannahavnar-rutuni.

Dagur og Vika vildu fegin tosa við Magna Arge. Tað vildu vit eisini í gjár, men tá var hann upptikn í fólkatingssalinum. 

Í dag sigur Magni Arge, at hann vil ikki gera samrøðu við Dag og Viku í dag.