Vinstraflokkarnir helst ikki í stjórn

Tað fara væntandi at ganga tvær-tríggjar vikur áðrenn nýggj stjórn er skipað í Íslandi, sigur føroyski sendimaðurin í Íslandi

Bjarni Benediktsson, formaður í Sjálvstæðisflokkinum, hevur fingið litið upp í hendi at skipa nýggja stjórn í Íslandi eftir altingsvalið leygardagin.

Sjálfstæðisflokkurin gjørdist størsti flokkur á valinum, og Petur Petersen, føroyskur sendimaður í Reykjavík, sigur, at hann hevur fleiri møguleikar.