Tjóðveldi og Framsókn víkja frá grundprinsippum

Tað lekur framhaldandi millum løgtingið og býráðssalin á Vaglinum í Havn.

Sonja Jógvansdóttir, uttanflokka tingkvina, sum er avgeraðandi atkvøðan hjá sitandi samgongu í løgtinginum, blandar seg nú eisini upp í stríðið um borgarstjórasessin í Havn.

Í einum hvassorðaðum innleggi á Facebook hevur tingkvinnan at Tjóðveldi og Framsókn fyri at svíkja síni grundprinsippir um eitt frælst og frílynt samfelag við at peika á Anniku Olsen úr Fólkaflokkinum sum borgarstjóra, sum í verki hevur víst, at hon er ímóti, at samkynd verða javnsett við aðrar borgarar.