Spurningur um gegnið kærdur til Kommunala eftirlitið

Heidi Lava Elgeirsdóttir, Tjóveldis-býráðslimur í Tórshavnar kommunu, vil nú hava Kommunala eftirlitið at taka støðu til gegnið hjá javnaðar-býráðsliminum Bergi Robert Dam Jensen í málinum um staðsetingina av ætlaða eldradeplinum í Kollafirði.

Eftir býráðsfundin í Havn hóskvøldið í síðstu viku førdi hon alment fram, at Bergur Robert Dam Jensen, býráðslimur fyri Javnaðarflokkin, var ógegnigur, tá hann á fundinum hevði sett fram broytingaruppskot um at flyta staðsetingina av eldradeplinum inn á eitt øki, sum hoyrir til festið hjá mammu hansara, og síðan eisini vera við til at viðgera uppskotið og samtykkja tað. 

Dagin eftir boðaði Elsa Berg, borgarstjóri, frá, at hon hevði steðgað málinum.

Bergur Robert Dam Jensen

Bergur Robert Dam Jensen (C), býráðslimur í Tórshavnar kommunu, vísir aftur uppáhaldinum um, at hann skal vera ógegnigur  (Savnsmynd)

Bergur Robert Dam Jensen hevur víst uppáhaldinum aftur og víst á advokatváttan um, at gegnið hjá honum var í lagi.

Síðan hevur málið hingið í leysum lofti. Heidi Lava Elgeirsdóttir væntaði, at Kommunala eftirlitið fór at taka málið upp av sínum eintingum, men tað hendi ikki, og nú kærir hon tað so sjálv.

Hoyr innslag í útvarpstíðindunum: