Oljufeløg eiga at leggja meiri eftir seg í Føroyum

Oljuvinnufelagið heldur, at oljufeløgini, sum koma til Føroya at leita eftir olju, eiga at leggja meira eftir seg her.

Felagið sigur, at árliga gjaldið til verkætlanir av týdningi fyri framtíðar kolvetnisleiting og til at menna føroyskan vinnuførleika hækkar 150.000 kr. og ikki 100.000 kr. sum landsstýrið ætlar.

Pengarnir til førleika eiga eisini at verða markaðir til kolvetnisídnaðin, sigur felagið.

Oljuvinnufelagið vil harafturat, at neyvari eftirlit verður fyri at tryggja, at føroyskar fyritøkur fáa ein veruligan møguleika at kappast við útlendskar fyritøkur.

Yvirhøvur eigur meira at verða gjørt fyri at tryggja føroyingum størri lut í oljuleitingini, heldur Oljuvinnufelagið.