Norðurlendsk meistarakapping í Pálshøll

8. og 9. juli verður Pálshøll í Vági karmur um norðurlendsku meistarakappingina fyri ung í svimjing, NMU.

Tá fara 200 svimjarar, millum 13-16 ár, úr norðurlondum og baltisku londunum at kappast í hylinum í Vági.

At talan er um eina altjóða svimjikapping á høgum stigi, setur stór krøv til fyrireikararnar, sigur Rókur í Jákupsstovu, formaður í Svimjisambandi Føroya.