Tóku uppstillingina aftur

MB, sum fyrradagin skeyt Høgna í Stórustovu upp sum forsetavalevni í Fótbóltssambandinum, hevur tikið uppstillingina aftur, og tí verður einki stríðsval um formanssessin í FSF á aðalfundinum.

Formenn í fótbóltsfeløgum, sum sjónvarpið hevur tosað við, siga, at eingin grund er at venda aftur til eitt stríðsmál.

Christian Andeasen, forseti í FSF, vil ikki gera viðmerkingar til ákærurnar frá Høgna í Stórustovu, og forkvinnan í MB, Elisabeth Haraldsen, svaraði ikki telefonini, tá sjónvarpið ringdi og ætlaði at fáa eina viðmerking um, at MB hevur tikið uppstillingina av Høgna í Stórustovu aftur.

Mynd: Høgni í Stórustovu