Í uppskoti til bókmentavirðisløn

Yrkingasavnið Sunnudagsland eftir Sissal Kampmann er føroyska uppskotið til Norðurlendsku bókmentavirðislønina í 2017. Tað kunnger Norðurlandaráðið í dag.

Sunnudagsland er fimta bókin hjá Sissal Kampmann.  Í henni eru yrkingar um Vestmanna, heimstaðin hjá Sissal Kampmann.

SÍ EISINI Føroyar er eitt sunnudagsland

Hinar 11 bøkurnar, sum eru innstillaðar til Norðurlendsku bókmentavirðislønina í ár, eru úr teimum sjálvstøðugu londunum og úr Álandi.

Grønland og Sámaland hava onga bók við í ár. Kunngjørt verður um mánaðaskiftið oktober-november, hvør fær virðislønina í ár.