- Tíðindi, mentan og ítróttur
Broytingaruppskot útsett
Broytingaruppskot útsett
Uppskotið um at broyta alilógina verður ikki lagt fram áðrenn Løgtingið fer í summarfrí í næstu viku
![](https://kvf.fo/sites/default/files/styles/grein-ovasta-mynd/public/screen_shot_2016-10-28_at_21.04.01.png?itok=tLegJt3t)
Tað verður ikki í hesari tingsetuni, at uppskotið um at broyta alilógina í føroyhum verður lagt fyri tingið. tíðin er ov knøpp
05.05.2017 - 08:34
Tíðin gerst ov stutt, sigur Poul Michelsen, landsstýrismaður í vinnumálum. Men uppskotið verður kortini sent til hoyringar í næstum, og so lagt fram í næstu tingsetu, sum byrjar á ólavsøku.
Áður hevur verið frammi, at uppskotið, um at broyta alilógina, leggur upp til at lækka talið av aliloyvum. Sambært álmanakkanum hjá Løgtinginum fer løgtingið í summarfrí hósdagin 11. mai.
Men Løgtingið verður kallað saman aftur í summar, fyri at viðgera uppskotið um nýggja fiskivinnunýskipan, hevur løgtingsformaðurin sagt.
Nýggjastu sendingar í ÚV
Nýggjastu sendingar í SV