Hesar byrja móti Íslandi

Í kvøld klokkan 19.15 spæla Ísland og Føroyar HM-undankappingardyst í Reykjavík.

Venjarin, Pætur Clementsen hevur gjørt av, at hesar ellivu byrja inni

Góður hugburður í hópinum

Føroyar fingu av at vita í fyrsta dystinum, sum var ímóti Kekkia á Tórsvølli. Føroyar taptu 0-8.

Venjarin sigur, at spælararnir tó eru við gott mót til dystin móti Íslandi, sum verður mett at vera sterkari landslið enn Kekkia.

- At fáa ein slíkan umgang, sum vit fingu ímóti Kekkia, er ikki sum at siga tað, men eg má alíkavæl siga, at eg havi stórt rós at bera okkara spælarum fyri hugburðin seinastu dagarnar, sigur Pætur Clementsen.
 
- Í fyrireikingunum hava vit sjálvandi hugt eitt sindur at íslendska liðnum, men vit hava brúkt mest tíð uppá okkum sjálvi og hvussu okkara avrik kann betrast.

- Tað er trupult at siga, hvat eitt gott úrslit er, men tað er umráðandi, at vit hava eina góða kenslu um okkara egna avrik aftaná dystin, sigur venjarin.