Seinasta uppboðssølan var í dag

Seinasta uppboðssølan av fiskirættindum á hesum sinni var á Vørn í dag.

Á afturlatnu uppboðssøluni vórðu 8.500 tons av norðhavssild seld fyri tilsamans góðar 11 milliónir krónur. 

Meðalprísurin var eina krónu og 30 fyri kilo.

Og 9.300 tons av svartkjafti vórðu seld fyri 2,5 millónir kr.

Meðalprísurin var 27 oyru kilo.

Slættaberg keypti 3.000 tons av norðhavssild, Norðborg 2.000, Næraberg 900, Jupiter og Tummas T keyptu 866 tons í part, og Finnur Fríði og Tróndur í Gøtu keyptu 433 tons í part.

Slættaberg keypti 2.700 tons av svartkjafti, Næraberg 2.500, Norðingur 1.900, Hoyvík 1.400, Tummas T 497 tons og Borgarin 298 tons.

Við søluni í dag hevur landskassin fingið tilsamans umleið 136 milliónir krónur fyri norðhavssild, svartkjaft og markel og botnfisk í Barentshavinum í ár.

Átta uppboðssølur hava verið, fýra opnar og fýra afturlatnar.