Spyr íslendingar til ráðs um stjórnarskipan

19.11.2012 - 09:20

Kári P. Højgaard, landsstýrismaður, fer at hitta íslendska innanríkisráðharran í næstum

Aktivera javascript

Íslendingar skulu siga føroyingum, um tað loysir seg at hava fólkaatkvøðu til tess at loysa ósemjuna um stjórnarskipanaruppskotið.

Landsstýrismaðurin í innlendismálum, Kári P. Højgaard, fer at spyrja íslendingar um royndirnar av at hava fólkaatkvøðu um stjórnarskipan. Hann fer um mánaðarskiftið til Íslands á vitjan, har hann fer at hitta íslendska innanríkisráðharran, Øgmund Jónasson.

Íslendingar arbeiða við at broyta grundlógina, og í tí sambandi løgdu teir seks spurningar út til fólkaatkvøðu fyri einum mánaði síðan, m.a. um fólkakirkjuna og at lýsa náttúrutilfeingið sum fólksins ogn.