Innlendismálaráðið eigur rottuna

At tað eru tvey aðalráð, Fiskimálaráðið og Heilsu- og innlendismálaráðið, sum varða av málsøkinum um at týna rottu, ger, at hvørgin heldur seg eiga málið.

Tað sigur Eyðfinn Magnussen, lívfrøðingur, sum var gestur í Degi og Viku í kvøld.

Hann heldur kortini, at nýggja kunngerðin, sum er á veg, verður eitt framstig, tí hon sigur, at Umhvørvisstovan skal hava eftirlit við, at lógin verður hildin.

Eyðfinn Magnussen sigur, at eftir hansara tykki eigur Innlendismálaráðið rottuna.