Café Gløgg uppá spæl aftur í ár

Fýra sjónleikarar og ein klaverleikari er tað, sum skal til fyri at veita strongdum jólafólki í miðbýnum í Havn eina kærkomna fríløtu við skemti, tónleiki og undirhaldi. Café Gløgg førir fram skemt og tættir um evni, sum eru uppi í tíðini. "Hetta er ikki satira, sum fer eftir ávísum fólki", siga leikararnir - "tað er meiri støður og stereotypur, sum fólk kenna aftur", leggja tey afturat. Allan desember fara tey at bjóða gestum á gátt á Tjóðpallinum til Café Gløgg, har, sum navnið sigur, verður høvi at fáa eitt glas av, ja, gløgg. Hugnin verður í hásæti