Eykajáttanir góðkennast í dag

Løgtingið fer í dag góðkenna eykajáttanirnar í fíggjarnevndarskjølunum, sum fíggjarnevndin hevur avgreitt í hesum árinum.

Tann fyrra var umbøn um seks milliónir krónur, tí føroyski laksurin stóð fyri at verða tikin av.

Peningurin varð nýttur til eina tilgongd saman við Bakkafrosti, sum eigur seinasta føroyska laksin, og Fiskaaling at varðveita føroysku laksastammuna. 

Tann seinna umbønin um eykajáttan við fíggjarnevndarskjali var 1,2 milliónir krónur at rudda grót á botni í havnini í Skopun, so innsiglingin kundi verða tryggjað.

Sambært lógini hevur landsstýrið skyldu at leggja fram uppskot um eykafíggjarlóg um tær eykajáttanir, sum fíggjarnevndin hevur veitt gjøgnum árið, í seinasta lagi 1. desember.

Eftir fyrstu viðgerð fór uppskotið beinleiðis til 2. viðgerð, og atkvøtt verður um málið í dag.