Tríggir nýggir býráðslimir í sama flokki

Javnaðarflokkurin fer at hava tríggjar nýggjar mans á býráðsfundinum í Havn í kvøld.

Tríggir býráðslimir hjá flokkinum vera ikki á fundinum í kvøld.

Men flokkurin verður fullmannaður fyri tað, tí Djóni N. Joensen, Høgni Joensen og Odd Færø taka sæti í býráðnum í kvøld.

Odd Færø er greinari á roknskapardeildini hjá SEV og útbúgvin í vinnubúskapi, og hann hevur haraftrat eina tryggingarútbúgving. Hann fekk 136 atkvøður á kommunuvalinum í 2016. 

Djóni N. Joensen er løgtingsmaður og útbúgvin námsfrøðingur. Hann fekk 117 atkvøður.

Høgni Joensen er skúlastjóri í Skúlanum við Løgmannabreyt og útbúgvin lærari. Hann fekk 111 atkvøður í 2016.