Turkaland og USA fundast

Í dag hava diplomatar úr Turkalandi og USA, og uttanríkisráðharrarnir í báðum londum havt fund í Ankara.

Á einum felags tíðindafundi segði amerikanski uttanríkisráðharrin, Rex Tillerson, at nú verður roynt at fáa viðurskiftini millum bæði londini í rættlag.

Í gjárkvøldið hitti Rex Tillerson eisini turkiska forsetan, Erdogan.

Londini hava avtalað at hava fund aftur í mars. 

Støðan millum USA og Turkaland verið spent síðani kvettroyndina í 2016. Turkaland hevur lagt USA undir at hava styðjað kvettroyndina.

Støðan er versnað seinastu tíðina, tí Turkaland hevur lopið á kurdiskar deildir, sum samgonguherurin í Sýria, sum USA stendur á odda fyri, styðjar.