Bank Nordik 233 mió. kr. í vinningi

Bank Nordik 233 mió. kr. í vinningi
BankNordik hevði 233 mió. kr. í vinningi í fjør, 42 milliónir meira enn í 2016. Okkurt um helvtin kemur frá virkseminum í Danmark og Grønlandi.
 
27.02.2018 - 08:46

Fyri niðurskrivingar er rakstraúrslitið 173 milliónir.

Bankin metir útlitini fyri 2018 vera góð og væntar ein framhaldandi vøkstur í eftirspurningi frá bæði húsarhaldum og fyritøkum. 

Bankin væntar 160 til 200 milliónir í vinningi fyri niðurskrivingar í ár.

Bankin inntøkuførdi aftur niðurskrivingar fyri 60 mió. kr. í fjør.

Virksemið hjá dótturfeløgum bankans royndist eisini væl í 2017, sigur BankNordik. 

Trygd hevði størri inntøku og lutfalsliga fáar tryggingarskaðar samanborið við 2016. 

Stóri eftirspurningurin eftir bústøðum sæst aftur í roknskapinum hjá Skyn, sum seldi 189 ognir í 2017 og 182 í 2016. 

BankNordik fer í framtíðini at rinda 20 til 40% av úrslitinum í vinningsbýti. 

Uppskot er um, at vinningsbýtið verður 40 mió. kr. fyri 2017. 

Vinningsbýtið verður tí 4,00 kr. fyri partabrævið.
 

Er kopiera
Nýggjastu sendingar í ÚV
Sunnudag 28. apríl
Bolero - Frantz Schubert
174280
Sunnudag 28. apríl
Guðstænasta í Fuglafjarðar kirkju.
174276
Sunnudag 28. apríl
Ein deutsches Requiem
174269
Nýggjastu sendingar í SV
Sunnudag 28. apríl
Andakt við Jóhan Peturi Johannesen
174283
Sunnudag 28. apríl
Guðstænasta úr Fuglafjarða kirkju
174281
Leygardag 27. apríl
Sement 2024: Finalan (3:3)
174270
Fríggjadag 26. apríl
Andakt við Róland í skorini
174236
Hósdag 25. apríl
Closed for Maintenance - á fimta sinni
174178