Allur keyptur svartkjaftur kann flytast til í ár

Allur svartkjaftur, sum varð keyptur á uppboði í fjør og ikki varð fiskaður í fjør, kann nú flytast til í ár, og ikki bara tíggju prosent sum higartil ásett.

Fiskimálaráðið hevur broytt kunngerðina um svartkjaftafiskiskap. 

Nú kann alt, sum leyp av í fjør av keyptari kvotu, fiskast í ár.

Gamla kunngerðin segði tíggju prosent. Tað, sum var oman fyri tíggju prosent, var mist, um tað ikki varð fiskað í fjør.

Og føroysk skip kunnu nú eisini fiska svartkjaft í íslendskum sjógvi, eftir at semja um fiskirættindi í 2018 er gjørd millum Føroyar og Ísland.