Trump: lærarar skulu duga at brúka vápn

Donald Trump ætlar, at skúlar skulu venja lærarar at brúka skotvápn.

Forsetin hevur tó ongar ætlanir um at broyta 18 ára aldursmarkið fyri at keypa vápn, men hann hevur sett eina nevnd, sum m.a. skal viðgera spurningin um aldursmarkið.

14. februar doyðu 17 fólk á einum skúla í Florida, tá ein fyrrverandi næmingur fór at skjóta frá hond.

Og síðani hava myndugleikarnir í Florida samtykt at hækka aldursmarkið fyri at keypa skotvápn í statinum upp í 21 ár. 

Eftir nýggju reglunum skulu ganga tríggjar dagar, frá tí at vápn verður keypt, til tað verður útflýggjað.