SAS ætlar at halda fram at flúgva til Føroya

Tað hevur gingið væl, og nú ætlar felagið at fáa somu útgerð í flogførini, sum flogførini hjá Atlatntic Airways hava, so tað verður betri at flúgva og lenda í Føroyum. Tað sigur Mariam Skovfoged, kunningarfólk hjá SAS.

SAS hevur biðið um loyvi at seta framkomnu útgerðina í flogførini sum flúgva til Førpoya, og felagið roknar við at fáa svar um tað einaferð í apríl, sigur Mariam Skovfoged, sum letur væl at fyrsta árinum sum felagið hevur flogið til Føroya.
At byrja við fleyg SAS hvønn dag til Føroya, men í vetur hevur felagið flogið tríggjar ferðir um vikuna.

Mariam Skovfoged sigur, at tey rokna við at fara at flúgva aftur hvønn dag tá summarið nærkast, og at tað verður kunngjørt í næstum. Í øllum førum ætlar SAS ikki at gevast við at flúgva til Føroya.