Kanna føroyskar svimjarar

Kanna føroyskar svimjarar
Svimjisambandið og Fróðskaparsetrið fara nú undir at gera regluligar kanningar av føroyskum svimjarum við vónini um enn betri úrslit
Mynd: svimjing.com  
 
10.04.2018 - 11:29

Svimjisambandið og Fróðskaparsetrið fara nú undir at gera regluligar kanningar av føroyskum svimjarum.

Sambært felags tíðindaskrivi er talan um at menna eina røð av standard-testum, sum við hátøkniligari útgerð skráseta hvønn metur, sum útvaldu svimjararnir svimja, við útgreining av øllum møguligum lutum so sum svimjigrein og ferð, armtakslongd, orku í avsetti og metrar svomnir undir vatni.

Verkætlanin verður gjørt í samstarvi við granskingardepilin iNOVA og universitetið í Keypmannahavn, og hon fer at kosta 1,2 milliónir krónur tilsamans næstu fýra árini.

Altjóða svimjisambandið FINA stuðlar verkælanini við eini helvt, meðan Svimjisambandið rindar hina helvtina.

Magni Mohr, ph.d. og lektari í Human Fysiologi á Fróðskaparsetri Føroya, og Nikolaj Nordsborg, ph.d. og lektari í Human Fysiologi á Københavns Universitet, standa á odda fyri verkætlanini saman við Juan Jaime Arroyo Toledo, sum er høvuðsvenjari hjá Ægi og ph.d. í ítróttarvísindum.

Svimjisambandið fegnast um stuðulin frá FINA og metir átakið at vera eitt kærkomið stig á leiðini at skipa landsliðsarbeiðið við útgerð og royndum, sum kunnu hjálpa føroyskum svimjarum til enn betri úrslit.
 

Er kopiera
Nýggjastu sendingar í ÚV
Mikudag 19. februar
RagnarRokk. Chris Harms um 1980
188003
Mikudag 19. februar
Góðan morgun Føroyar
187986
Mikudag 19. februar
Morgunlestur mikudagur 19.februar 2025
186672
Týsdag 18. februar
Samværi 061 - Hvat er aktuelt at spæla?
187907
Týsdag 18. februar
Breddin: Nýggj tilmæli um skíggjaráð
187934
Nýggjastu sendingar í SV
Mikudag 19. februar
Dagur og vika - teknmálstulkað
187990
Týsdag 18. februar
Veðrið
187962
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825

Meira um sama evni