Fyrsta uppboðssølan verður hósdagin

Opin uppboðssøla av veiðurættindum verður 26.apríl og 2. mai. Tá verða seld tilsaman 50.000 tons av svartkjafti, boðar Vørn frá í tíðindaskrivi.
Persónar ella feløg, ið ætla at bjóða á uppboðssølu í 2018, skulu vera góðkend av Vørn, treytirnar síggjast á heimasíðuni hjá Vørn.

Vørn hevur gjørt avtalu við Fiskamarknað Føroya um at halda opnu uppboðssølu í 2018, sigur Vørn í tíðindaskrivi.