Undirsjóvartunnilin fær íbúgvar til Nes kommunu

Bernhard Johannessen bleiv borgari nr. 1300, sum bleiv skrásettur í Nes kommunu.

Bernhard er uppvaksin á Toftum, men hevur seinastu 5 árini arbeitt í Havn og búð á Argjum. Hann fer nú at arbeiða á Skálafjørðinum og er fluttur heimaftur at búgva.

Íbúgvaratalið í Nes Kommunu er methøgt.

Undirsjóvartunnilin er beinleiðis orsøkin til stóra áhugan at seta búgv í Nes kommun, heldur borgarstjórin, Jóhannus Danielsen. 

- Vit síggja tað, at fólk, sum leggjast afturat í kommununi, eru fólk, sum ikki hava tilknýtið til kommununa. So tað er nokk høvuðsorsøkin: Útlitini til at tunnilin verður liðugur skjótt, sigur Jóhannus Danielsen.