Eingir pengar úr landskassanum til minni dálking

Tað verður uttan pengar úr landskassanum, at fiskiskip noyðast at leggja maskinorkuna um til at dálka minni.

Tað eru samgonguflokkur og andstøðuflokkur samdir um.

Stuðul úr landskassanum til at reka fiskiskip hevur víst seg at rigga illa.

Um tað vóru Sirið Stenberg, landsstýriskvinna úr Tjóðveldi, og Kaj Leo Holm Johannesen, løgtingsmaður úr Sambandsflokkinum púra samd í Kjakinum í Sjónvarpinum týskvøldið.

Tey fingu spurningin, um landið skal stuðla tí partinum av fiskiflotanum, sum er illa fyri fíggjarliga, at leggja um til at dálka minni.