Freistin at søkja um menningarkvotur nærkast

Umsóknir um menningarkvotu skal sum minstamark hava millum annað upplýsingar, sum nágreiniliga lýsa menningarætlanina og hvar í landinum, hon skal fremjast.

Umsøkjarar skulu eisini boða frá, hvussu menningarætlanin kann skapa virðisøking, virksemi, arbeiðspláss, førleikamenning og inntøkur, og hvussu kvotan er ætlað at verða nýtt og virðisøkt frá veiðu til hagreiðing, virking, sølu og marknað.

Menningarkvota kann latast fyri eitt ár, tvey ár, trý ár ella fýra ár.

Ein metingarnevnd skal taka støðu til umsóknirnar um menningarkvotur, og nevndin ger síðani tilmæli til Fiskimálaráðið.

Trý fólk vera í metingarnevndini, sum landsstýrismaðurin í fiskivinnumálum setir. Fráboðan er ikki komin um, at nevndin er sett.

Øll í Føroyum, fólk og feløg, kunnu søkja um menningarkvotu, tí høvuðsøkini í kunngerðini um menningarkvotur eru tær sjey sýslurnar.