- Tíðindi, mentan og ítróttur
38 vilja hava menningarkvotu
38 vilja hava menningarkvotu
Tá freistin var úti á middegi, høvdu 38 søkt Fiskimálaráðið um at fáa part av menningarkvotunum
Menningarkvoturnar eru góð 58.000 tons av svartkjafti, makreli og norðhavssild. Nógv mest er av svartkjafti
Mynd: savn
28.05.2018 - 13:39
Fiskimálaráðið hevur fingið tilsamans 38 umsóknir um menningarkvotu.
Tað sigur Rógvi Reinert, aðalstjóri.
Hann hevur ikki lisið umsóknirnar enn og kann tí einki siga um ítøkiligu verkætlanirnar, ella hvar tær eftir ætlan skulu verða, men feløgini, sum hava søkt, eru spjadd kring landið, sigur hann.
Fyri tað mesta eru tað smærri feløg, sum hava søkt, men onkur umsókn er eisini frá teimum stóru, sigur aðalstjórin.
Høgni Hoydal, landsstýrismaður skal nú seta trý fólk at meta um umsóknirnar, og tey verða útnevnd sum skjótast, sigur Rógvi Reinert, aðalstjóri.
Mannagongdirnar, sum skulu brúkast til at viga umsóknirnar, eru lýstar í skjali, sum er lagt við kunngerðini um menningarkvoturnar, sigur hann.
Er kopiera
Nýggjastu sendingar í ÚV
Nýggjastu sendingar í SV
