400 starvsfólk afturat til ferðavinnuna

Tað siga Guðrið Højgaard, stjóri á Visit Faroe Islands, og Rúni Vang Poulsen, stjóri í Smyril Line, við Sosialin.

Tørvur verður á kokkum, tænarum, móttøkufólki og reingerðarfólki til ferðavinnuna.

Sambært ferðavinnuni hava gistingarmøguleikarnir verið ein fløskuhálsur, tí ov fá seingjarpláss eru til ferðafólkini um summarið. Men ætlanir eru um at byggja fleiri hotell í høvuðsstaðnum.

- Størta avbjóðingin hjá okkum komandi tíðina verður at fáa fatur á arbeiðsmegi, sigur Guðrið Højgaard við Sosialin.

Stjórin á Visit Faroe Islands og stjórin í Smyril Line eru samd um, at neyðugt verður at fáa fleiri útlendingar til arbeiðis í føroysku ferðavinnuni.