Heimsins næststørsta seglskip á vitjan í Havn

Kruzenshtern er ein fýrmastrað bark, sum er smíðað í Bremerhaven í Týsklandi í 1926.

Skipið hoyrir nú heima í Kaliningrad, og siglir sum russiskt skúlaskip.

Manningin telur 176 fólk, og 24 ferðafólk eru eisini við. 

Kruzenshtern sigldi kring knøttin í 1995 og -96 og aftur í 2005-06.

Faroe Ship hevur fingið vitjanina í lag, og felagið sigur, at øll eru vælkomin umborð frá klokkan 10-18 í morgin, tann 6. juni.

Kruzenshtern verður aftur á Havnini 27. august.