Arbeiðið í grønlendsku grundlógarnevnd steðgað

Grønlendska grundlógvarnevndin varð sett í skundi í 2016, og síðani hevur hon arbeitt í smáum. Tað skrivar grønlendska kringvarpið, KNR. 

Men nú er arbeiðið í nevndini er enn einaferð steðgað, og tað er óvist, hvat fer at henda.

Forkvinna vald í landsstýrið

Vivian Motzfeldt var forkvinna í nevndini, men hon varð vald í landsstýrið eftir valið og segði seg tá frá sum forkvinnu í nevndini.

Sara Olsvig sigur seg ikki hava frætt nakað um, hvat hendir við nevndini, og tað sama sigur umboðið hjá Demokratunum í nevndini.

Allir flokkar skuldu við

Eftir upprunaligu ætlanini, skuldu sjey fólk manna nevndina, so allir flokkar sum høvdu umboð í landstinginum, vóru við.

Og so skuldu flokkarnir manna nevndina, alt eftir stødd.

- Støðan er broytt, tí nú eru fleiri flokkar, og tí er neyðugt at broyta arbeiðssetningin hjá nevndini, sigur Sara Olsvig, forkvinna í IA.