Evropa League beinleiðis í útvarpinum

Tvey føroysk feløg skulu í kvøld spæla evropeiskar dystir í Evropa League kappingini.

Í Gundadali spælir B36 ímóti St. Josep's úr Gibraltar. Útvarpið hevur beinleiðis frásøgn frá klokkan 18.50.

Leivur Frederiksen sigur frá dystinum og viðmerkjari er Jóannes Jakobsen.

KÍ er í Malta, har teir skulu spæla ímóti Birkirkara. Dysturin byrjar klokkan 19.00 og kann stroymast beinleiðis her

B36 favorittur og KÍ undirmett

Sambært veddingarfyritøkunum er B36 greiður favorittur í dystinum í kvøld.

Ein sigur til B36 gevur í skrivandi stund 1.50 ferðir pengarnar aftur, meðan ein sigur til St. Joseph's gevur odds 5.75.

Í hinum dystinum er maltesiska liðið favorittur. Ein sigur til Birkirkara gevur pengarnar 1.66 ferðir aftur, meðan ein sigur til KÍ gevur odds 4.50.