Víðgongt islam stendur sterkari í Svøríki

Víðgongt islam stendur alsamt sterkari í Svøríki.

Ein nýggj frágreiðing, sum svenski Verjuháskúlin hevur gjørt, vísir, at fundamentalistiska salafisman breiðir seg í Svøríki.

SVT skrivar, at í fleiri økjum í svenskum býum ávirka salafistarnir gerandisdegnum hjá borgarunum við hóttanum og missión.

Eisini veksur undirtøkan fyri salafistiskum jihad, sum merkir heilagt kríggj, í Svøríki.

Viðgongdir prædikumenn ræða fólk til lýdni, moralskt politi hevur neyvt eftirlit við kvinnum, og børn verða forðað at spæla við børn, sum hava aðra trúgv. Í kanningini stendur ikki, hvussu mong fólk talan er um, skrivar SVT.

Granskararnir leggja dent á, at salafisman og salafismu-jihad er ein minniluti innan sunni-islam og ikki umboðar muslimar sum heild og sum bólk.