Søguliga ringt áarføri í Japan

Shinzo Abe, forsætisráðharri hevur avlýst ferðir sínar til Belgia, Fraklands, Saudi Arabia og Egyptaland, nú slík undantaksstøða valdar heima, og hann segði í gjár, at bjargingarliðini stríðast "ímóti tíðini". 

- Framvegis eru mong fólk ikki afturíafturkomin, og onnur hava tørv á hjálp, segði Abe sambært BBC.

Ávaringar eru um meira vatnflóð, m.a. í Okayama-økinum, men veðurforsagnirnar eru betri komandi dagarnar. 

Síðani hósdagin hevur regnað so illa í vesturjapan, at tað svarar til tríggjar ferðir regnið, sum plagar at vera allan juli mánað.

- Vit hava ongantíð upplivað slíkt áarføri áður, sigur ein veðurmaður við BBC.

Nógvir bygningar eru rapaðir, og stór øki eru huld í móru og ruski.