Taptu ímóti Svøríki

Føroyska U17 fótbóltslandsliðið hjá dreingjum gjørdist nummar seks av átta í kapping millum norðurlendsk landslið eftir at teir taptu 3-0 ímóti Svøríki.  Svøríki endaði á fimtaplássinum.

Dysturin ímóti Svøríki í gjár var fjórði dysturin, ið føroyska liðið hevur spælt uppá eina viku.

Í hinum dystunum hava vit tapt 2-1 móti Íslandi, 2-0 móti Norra og ein 1-1 javnleik móti Kina, ið er eitt gestalið í kappingini.

Finalan í kappingini var millum Ísland og Finnland. Ísland vann eftir umdyst og er tí norðurlendskur meistari fyri U17 landslið hjá dreingjum.