Grindaboð í Vágum

Fyri løtu síðani komu grindaboð úr Vágum. Enn er ikki vist, hvussu stór grindin er. 

- Grindin er um tríggjar fjórðingar úr landi millum Nípuna og Bøssdalafoss. Sum skilst er talan um tveir bólkar, men enn vita vit ikki hvussu stór grindin er, sigur Finnbogi Midjord, sýslumaður við Portalin. 

Sambært sýslumanninum er ein grindaformaður á veg út. Sannlíkt er, at grindin verður rikin inn á Miðvág ella Sandavág.