Færri gistingar higartil í ár

Tilsamans vóru 76.300 gistingar fyrra hálvár í ár. Tað eru 1.500 gistingar færri enn í fjør. Afturgongdin er 2 %.

31 % av ferðafólkunum, sum gistu í Føroyum fyrra hálvár, vóru úr Danmark. 

24 % vóru føroyingar, 20 % vóru úr øðrum norðurlondum, og 12 % vóru úr evropeiskum londum.

2.000 færri føroyingar og umleið 1.800 færri danir hava gist í Føroyum fyrra hálvár.

Størsti vøksturin, bæði í tali og prosentum, var íslendingar og sviar. 1.900 íslendingar hava gist í Føroyum fyrra hálvár - vøksturin er 40 %, og 1.400 sviar - vøksturin er 31 %.

Hagtølini fevna ikki um gistingarháttin Airbnb, tí Hagstovan hevur ikki atgongd til upplýsingar um gistingar av hesum slag.