Skúlafótbóltur í Vági

Í heyst fara føroyskir skúlar at kappast í fótbólti í Vági.

Skúlafótbóltur er ein afturvendandi fótbóltskapping, sum verður skipað í Vági hvørt ár í heyst-, vetrar- og várhálvuni.

Kappingin verður í Marghøllini í Vági – og allir fólkaskúlar og miðnámsskúlar í landinum kunnu vera við.

Skúlafótbóltur hevur fokus á tað sosiala, á heilsu, á rørslu og á at fótbóltur er fyri øll, siga fyriskipararnir.

Skúlafótbóltur er fyri árgangirnar frá 1. til og við 9. flokk, umframt 10. flokk og  miðnámsskúlarnir kring landið.

Spælt verður bæði í dreingja- og gentuliðum, og í blandaðum liðum við dreingjum og gentum.

Liðini, sum vinna seg víðari til finaluumfar, skulu spæla á stórum felags finaludegi í Vági fyrst í mai 2019.

Tað er ókeypis at luttaka í Skúlafótbólti.