Biogassverkið tvær ferðir størri enn ætlað

Biogassverkið, sum Bakkafrost fer at byggja, verður nærum tvífalt so stórt, sum upprunaliga ætlað.

Skrivað varð undir sáttmálan um verkið um dagarnar, og tað skal verða liðugt 1. desember næsta ár.

Biogassverkið skal veita fjarhita til 800 húsarhald og streym til umleið 4.000 húsarhald.

Kostnaðurin er umleið 100 milliónir kr., og dótturfelagið hjá Bakkafrosti, Føroysk Náttúruorka, eigur verkið.