Radarin er lívsneyðugur fyri tyrluflúgvingina

Nýggi veðurradarin hjá hjá Atlantic Airways fer at gera, at tyrlurnar kunnu flúgva trygt, serliga í sambandi við bjarging og sjúkraflutning um náttina.

Higartil hava tyrlumanningarnar í stóran mun flogið í blindum, tá ið ræður um veðrið.

Tað sigur Hans Erik Jakobsen, leiðari á tyrlutænastuni.

Í innslagnum um nýggja radaran hjá Atlantsflogi í Degi & viku fríggjakvøldið, kundi ein fáa ta fatan, at flogførini hjá Atlantsflogi høvdu verið í vandastøðum orsakað av vantandi radaranum. 

Tað er ikki rætt.

Radarin skal, sum eisini verður greitt frá í hesum innslagnum, brúkast av tyrlunum, og tað vórðu tyrlur, sum stundum høvdu verið í vandastøðum - ikki flogfør.

Haldið okkum til góðar.