Flogbóltur: U17 dreingir vunnu bronsuna

Dreingirnir á U 17 lansliðnum vunnu fyri løtu síðani bronsuna í Norðurevropisku kappingini í flogbólti, NEVZA, sum í hesum døgum er í Ikast í Danmark.

Føroyar vunnu dystin um triðja plássi ímóti Svøríki. Úrslitið bleiv 3-1 til Føroyar, 25-17, 24-26, 25-16 og 25-19.

Finnland og Noregi spæla finaluna í dag klokkan 14.30. Dysturin kann síggjast á volleytv.dk

U17 landsliðið hjá gentum spældi eisini bronsudyst í dag, men tær taptu 1-3 fyri Noregi.

Finalan hjá gentunum verður ímillum Danmark og Finnland.