Semingsstovnurin boðsendur

Semingsstovnurin er boðsendur at royna at finna semju ímillum Føroya Skipara- og Navigatørfelag og Lønardeildina um nýggjan sáttmála fyri Strandferðsluna og Magnus Heinason.

Tað boðar Føroya Skipara- og Navigatørfelag frá í tíðindaskrivi.

Felagið sigur, at sjey samráðingarfundir hava verið, men einki endaligt spurdist burturúr. Sjeyndi og seinasti samráðingarfundurin var týsdagin. 

Áðrenn samráðingarnar slitnaðu, eydnaðist at fáa eina semju um t.d. dokking, dagførdar ásetingar um barsil, og so var eisini funnin semja um at broyta bygnaðin í lønartalvunum. 

Tey viðurskiftini vóru ikki trupul at fáa semju um, sigur Skipara- og Navigatørfelagið.