Gunnar longt við FH

Gunnar Nielsen er 32 ára gamal og málverji á føroyska landsliðnum. 

Hann hevur spælt við FH síðani 2016 og vann fyrsta árið íslendska meistaraheitið.

Í ár endaði liðið nummar fimm í deildini.

Sambært in.fo hevur føroyski málverjin verið settur í samband við onnur feløg, ikki minst tí, at FH ikki megnaði at spæla seg til evropeiskan fótbólt næsta ár, men í gjár gjørdu Gunnar Nielsen og íslendska felagið altso sáttmála fyri tey bæði næstu árini.