Arctic Voyager fiskar flestu menningarkvoturnar

Í gjár fekk Arctic Voyager sítt tíggjunda fiskiloyvi útskrivað til at fiska menningarkvotu.

Arctic Voyager skal fiska norðhavssild fyri Delta Seafood, P/F Steintór, P/F TG Fish og Vestmanna Fiskavirki. 

Harumframt skal Arctic Voyager fiska menningarkvotu av svartkjafti, sum reiðaríið sjálvt - P/F Jókin - hevur fingið útlutað.

Umframt menningarkvotur hevur Arctic Voyager svartkjafta- og sildakvotur, sum reiðaríið hevur keypt á uppboðssølu.

Skipið hevur eingi søgulig rættindi.