B68 hevur fingið nýggjan venjara

Tað verður Svenn Ó. Olsen, ið skal avloysa Bill Mcleod Jacobsen sum høvuðsvenjari hjá B68.

Heimasíðan hjá felagnum skrivar, at partarnir hava undirskrivað tvey ára sáttmála.

Svenn Ó. Olsen var í ár ungdómsvenjari í 07 Vestur. Hann hevur fyrr verið hjálparvenjari hjá besta liðnum hjá Víkingi.

B68 flutti niður í næstbestu deildina í 2016.

Í ár var tó sera nær við, at toftamenn fluttu upp í bestu deildina, men teir snávaðu í seinasta umfari.