Tróndur annar varaborgarstjóri fyri Heðin

Tróndur Sigurðsson er nú annar varaborgarstjóri í Tórshavnar kommunu.

Hann er komin í staðin fyri Heðin Mortensen, sum er farin úr býráðnum.

Gunnvør Balle er varaborgarstjóri.

11 nevndir, sum býráðið velur fólk og varafólk í, eru umskipaðar, nú Heðin Mortensen er farin úr býráðnum.

Onnur javnaðarfólk eru vald í teir sessir, sum hann hevði.

Tróndur Sigurðsson er komin í Fíggjarnevndina, og Bjørghild Djurhuus er komin í Mentamálanevndina fyri Heðin Mortensen. 

Bjørg Dam er komin í Tórshavnar býráð fyri Heðin Mortensen.