Hørður Askham til HB

Hørður Askham, sum seinastu tvey kappingarárini hevur spælt fyri KÍ, fer at spæla fyri HB í 2019.

HB skrivar á sínari Facebook-síðu, at sáttmáli er undirskrivaður.

Hørður Askham er uppvaksin í HB, men hevur ongantíð spælt vaksnamannafótbólt har.

Sum vaksin hevur hann umboðað B36, 07 Vestur og KÍ.

Hørður Askham verður mest brúktur í miðverjuni, men hann kann eisini spæla á verjukenda miðvøllinum.

Tað er ikki óhugsandi, at hann skal avloysa miðvallaran Binna Hloðversson, sum framvegis ikki hevur undirskrivað nýggjan sáttmála við HB.