Rodmund keypir Havnar Timburhandil

Borg vil vera ein heildarveitari til alt innan byggivinnuna í Føroyum, til bæði privat og vinnulig viðskiftafólk. Tað stendur í felags tíðindaskrivi frá familjufyritøkunum Havnar Timburhandil og Borg, sum nú gerast ein og sama fyritøka.

Borg er samanrenning av fyrtøkum í Eysturoy og Norðoyggjum. sum vinnulívsmaðurin, fyrrverandi borgarstjórin og løgtingsmaðurin Rodmund Nielsen eigur og er stjóri fyri. 

Havnar Timburhandil lat upp í 1928, og Heini Fosaa hevur verið stjóri í fyritøkuni í 26 ár og átt hana í 13 ár. 

Yvirtøkan fór fram 1. desember og er send Kappingareftirlitinum til góðkenningar. Partarnir vilja ikki upplýsa keypsprísin.

P/F Borg hevði 7,3 milliónir krónur í yvirskoti í fjør, og árið var tað besta í søgu felagsins.